Засгийн газрын тохируулагч агентлаг Шударга өрсөлдөөн, хэрэглэгчийн төлөө газар өнөөдөр "Нээлттэй хаалганы өдөр"-өө зохион байгуулж байна. Энэ үеэр дунд сургуулийн сурагчдад олон улсын картелийн тухай киног үзүүлж, иргэдэд анхааруулах үүднээс хуурамч бараа бүтээгдэхүүний үзэсгэлэн үзүүлж байгаа юм. Мөн эрх нь зөрчигдөж, эд материалаараа хохирсон, санал гомдлоо шийдвэрлүүлэхийг хүссэн иргэдэд ШӨХТГ-ын улсын байцаагчид зөвлөгөө өгч, өргөдөл гомдлыг нь хүлээн авахаас гадна, таны эрхийг зөрчсөн газар дээр очиж гомдол, хүсэлтийг нь шийдвэрлэж байна.