Нэрт жүжигчин Брюс Уиллис “Expendables” киноны хоёрдугаар ангийн зураг авалтад оролцож байгаа. Тэрбээр киноны гол дүр болох Жэйсон Стэтхэмтэй ам мурийж зураг авалтыг хаяж одсон тухай америкийн хэвлэлүүдээр гарсан байна. Хоёр жүжигчин юунаас ам мурийсан нь тодорхойгүй байгаа ч ямартай ч тун халуухан явдал болсон бололтой. Учир нь Жэйсон Стэтхэм найруулагч Саймон Уэсттэй гэрээгээ цуцлах тухай яриа үүсгэж сандаргаад авсан гэнэ. Тус кино ирэх жил дэлгэцнээ гарах бөгөөд энэ удаагийн ангид нь дээрд дурдсан Жэйсон Стэтхэм, Брюс Уиллис нараас гадны хуучны одод болох Арнольд Шварцнейггер, Жан Клод Ван Дамм, Жон Траволто, Жет Ли, Чак Норрис, Силвестер Сталлоне, Дольф Лундгрен нар тоглож байгаа юм.