“Хашаа-3” арга хэмжээ эхлээд гурав дахь жилдээ үргэлжилж байна. Энэ ажлын хүрээнд Баянзүрх дүүргийн III хороо, Нэгдсэн III эмнэлгийн хашааны ард байсан 34 граашийг нүүлган суурин дээр нь явган хүний зам тавьжээ. Өчигдөр тус замын ажлыг хүлээлгэн өглөө. Явган замын хажуугаар сандал, хогийн сав, гэрэлтүүлэг, сүүдрэвч зэргийг хийж бүрэн тохижуулжээ. Ирэх онд энд мод тарьж ногоон байгууламж байгуулахаар төлөвлөж байгаа аж. Нийт 148 метр урт уг замыг 34 сая төгрөгийн санхүүжилтээр "Нью гранд мүүн" компани гүйцэтгэжээ. Хашаа арга хэмжээний хүрээнд өнөө жил дүүргээс зургаан байршилд 100 сая төгрөгийн тохижилтын ажил хийгдэж байгаагийн нэг нь энэ аж.