УИХ-ын ээлжит бус чуулганы нэгдсэн хуралдаан 10.00 цагт тологдсон боловч гишүүдийн ирц бүрдээгүй тул  үдээс хойш хүртэл түр завсарласан байна. Уг хуралдаанд УИХ дахь МАН-ын гишүүдээс нэг ч хүн хүрэлцэн ирээгүй байна. Энэ талаар УИХ-ын гишүүн Я.Содбаатар тайлбарлахдаа “Төсвийн тухай хуульд нэмэлт өөрчлөлт оруулах, орон нутгийн сонгуулийн тухай хууль зэрэг чуулганаар хэлэлцэх асуудлуудад манай намын гишүүд саналаа оруулахыг хүссэн боловч УИХ дахь АН-ын бүлэгтэй хүлээн аваагүй. Тиймээс бид  зөвшилцөлд хүрээгүй учраас чуулганд оролцохоос татгалзсан” гэсэн хариултыг өгчээ. Чуулган завсарласан дундуур Төрийн байгуулалтын байнгын хороо хуралдахаар болсон байна. Н.Түвшин