УИХ-ын чуулганы хуралдаан үргэлжилж байна. Хуралдааны үеэр  Сангийн сайд Ч.Улаан 2012 оны төсвийн  тодотголын дөрөвдүгээр хэлэлцүүлгийг яаравчлан хэлэлцэж өгнө үү гэсэн хүсэлтийг гаргалаа. Учир нь төсөв батлагдахгүй байгаатай холбогдуулан нийгэмд  олон асуудал үүсч байна. Тиймээс гишүүд төсвөөр барьцаалж асуудалд хандаж болохгүй гэв.  Түүнчлэн Ерөнхий сайд Н.Алтанхуяг “Хоорондоо маргаад яахав. Тоглох асуудал байна. Тоглохгүй асуудал  гэж бий. Төсөв мөнгөө батлавал яасан юм бэ. Олонх цөөнх болоод ирцээ бүрдүүлээд явмаар байна.  Наад юм аа шургуулаад  асуудлаа хэлэлцмээр байна. Одоо тоо цохино ямар ч маргаан байхгүй. Картуудаа шургуулаад саналаа өгөөч” гэсэн уриалгыг хэллээ. Харин Ө.Энхтүвшин “ МАН-ын бүлэггүй явуулах нь тэнгэрийн хишиг гэж бүлгийн хурал дээрээ ярьж байна гэсэн. Хууль ярих гэж байгаа бол хуулийн дагуу л явмаар байна. Хүссэн юм аа  хэлэлцэж чадаж байна та нар. Манай намыг бүлэгтэй болох асуудлыг яагаад хэлэлцэхгүй байна” гэсэн ширүүхэн үгийг Ерөнхий сайдад дайлаа. Хуралдаан үргэлжилж байна. Н.Түвшин