УИХ-ын гишүүд ойрд элдэв асуудал хөөцөлдөөд их л сонинтой яваа. Чуулганы ирц нь бүрдээгүй хоосон танхимд “ганцаардсан” С.Дэмбэрэл гишүүний тухай “Хэзээ хурал болох бол гээд ирж очих төвөгтэй юм. Хугацаагүй суулт хийхээс” гэж хэлсэн тухай онигоо шиг яриа хүртэл ордноор хөвөрч буй. Тэгвэл өнөөдөр УИХ-ын гишүүн  C.Бямбацогт намынхаа бүлэг байгуулах асуудлыг УИХ-ын ээлжит бус чуулганаар хэлэлцэхгүй байгаад бухимдаж нэгэн сонирхолтой зүйрлэл хэлээд “од” боллоо.  Эрхэм гишүүн “Эмэгтэй хүн жирэмсэн болоод хүүхэд гаргадаг шиг  манай намын Үндсэн хуулиар олгогдсон заяамал эрхийг боогдуулах эрх та нарт байхгүй” гэж ширүүхэн хэлтэл гишүүд нирхийтэл инээлдэв. Цаанаа л нэг бурханлиг аястай ийм содон гэмээр зүйрлэл сонсоно гэж санаагүй суусан зарим гишүүд түүнийг ингэж хэлсэнд инээх бус ичсэн дүр ч бас харагдсан юм. Н.Бүжин