Гэр бүлийн амьдрал зохиож, үрийн зулай үнэрлэснээс хойш уран бүтээлээ завсарласан дуучин М.Үүрцайх хип хопын ертөнцөд эргэж ирлээ. Хайрын дуугаараа охид залуусыг уярааж явсан тэрбээр одоо хатуу үгтэй этгээд дуугаар гайхашруулах гэнэ. Хэдийгээр нялх хүүхдээ асраад тодорхой хэмжээнд гэрийн эзэгтэйн үүрэг гүйцэтгэж байсан ч, түүнд  урлагийн ертөнцөөс холдох сэтгэл байгаагүй гэх. Энэ тухайгаа илэрхийлэх явцдаа дуучин М.Үүрцайх хуучин хамтрагчдаа ихэд гомдож сууснаа ч өгүүлнэ лээ. “Намайг нөхөрт гарч, уран бүтээлээ орхиход хэн хүнгүй л муулж байсан атал Мөнхбат нэр цэвэр үлдсэн. Гэтэл үнэн хэрэгтээ, энэ бүхэн тэр хүний явуулга байсан шүү дээ. Айлын ганц хүүхэд гээд их эрх дураараа, юм бүхэнд “Би” гэсэн хандлагаар ханддаг. Хөтлөгчид миний нэрийг түрүүлж зарлахад их уурладаг. Бас авьяас чадварын хувьд ч тааруухан нөхөр. Үнэн хэрэгтээ, би л Мөнхбатыг “чирч” явсан” гэж тэр хамаг бүхнээ уудалжээ. Харин энэ бүхнийг сонсоод мөнөөх хуучин хамтрагч нь юу гэх нь сонин л юм. Р.Есүй