Монгол Улс НҮБ-д элссэний 50 жилийн ойг тэмдэглэн өнгөрүүлэх ажлын хүрээнд НҮБ-ын Ерөнхий Ассамблейн бүгд хуралдааны танхимд 2011 оны 10 дугаар сарын 27-ны өдөр монгол урлагийн тоглолтыг  зохион байгууллаа. Урлагийн тоглолтыг НҮБ-ын Харилцаа холбоо, олон нийтийн мэдээллийн асуудал эрхэлсэн НҮБ-ын ЕНБД-ын орлогч Кио Акасака хөтлөж НҮБ-ын ЕНБД Бан Ги Мүн, Ерөнхий Ассамблейн 66 дугаар чуулганы дарга А.Аль-Нассер, Монгол Улсын Ерөнхий сайд С.Батболд нар нээж үг хэлэв.     Урлагийн тоглолтыг НҮБ-ын хэвлэл мэдээллийн алба интернэтээр шууд  дамжуулан үзүүлэв.