УИХ-ын гишүүн О.Баасанхүү, Б.Бат-Эрдэнэ,  С.Бямбацогт, Х. Батцогт, С.Ганбаатар, Х.Болорчулуун нар Төрийн ордны хуралдааны Г танхимд  өнөөдөр 12.00 цагт хэвлэлийн бага хурал хийх тов гаргажээ. Эрхэм гишүүд  Оюутолгойн  хөрөнгө оруулалтын гэрээтэй холбоотой асуудлаар сэтгүүлчдэд мэдээлэл өгөх юм байна. Дашрамд дурдахад,  ээлжит бус чуулганы хуралдаан хаахаас өмнө  УИХ-ын Эдийн засгийн байнгын хорооны хуралдаанаар Засгийн газрын 2012-2016 оны үйл ажиллгааны мөрийн хөтөлбөрийн төслийн анхны хэлэлцүүлгийг хийх үед УИХ-ын гишүүн О.Баасанхүү хэд, хэдэн горимын санал  гаргаж байв. Түүний нэг нь Оюутолгойн ордын Монголын талын хувь эзэмшлийг 51-ээс доошгүй хэмжээнд хүргэе гэх санал байсан. Гэвч эл саналыг нь УИХ-ын гишүүн, Үйлдвэр хөдөө аж ахуйн сайд Х.Баттулга, УИХ-ын гишүүн, Батлан хамгаалахын сайд Д.Бат-Эрдэнэ нараас бусад нь дэмжээгүй юм.  Мөн УИХ-ын нэр бүхий 25 гишүүн ч Оюутолгойн хөрөнгө оруулалтын гэрээний асуудлаар Засгийн газарт хандаж мэдэгдэл  хүргүүлж байсан билээ. Н.Түвшин