Аки башёгийн 12 дахь өдрийн тэмцээн дөнгөж сая өндөрлөлөө. Энэ өдөр манай сүмочдоос Кёкүтэнхо /10-2/ түрүүлж дэвжээнд гарсан ч өвдөг шороодсон. Харин Асасэкирюү /6-6/, Шотэнрү /5-7/, Какирюү /10-2/ нар ээлжит даваагаа авлаа. Токитэнкүгийн хувьд Ваканосатод унаснаар таван даваатай байгаа бөгөөд дараагийн өдрүүдийн барилдаанд унах эрхгүй боллоо. Нэг ч унаагүйгээр башёг тэргүүлж байгаа Харумафүжи 12 дахь даваагаа авснаар аварга болоход ердөө ганцхан даваа үлдээд байна. Мөн Сүмогийн 69 дэх их аварга Хакухо /11-1/ Мёогирюүг өвдөг шороодууллаа. Д.Цэцэг