Энэ өдөр дэлхийн түүхэнд ямар үйл явдал болж тэмдэглэгдэн үлдсэнийг та бүхэнд танилцуулъя. -Европын орнууд болон Канадын Монтреаль хотод өнөөдөр “Автомашингүй өдөр” болдог. -Өнөөдөр АНУ-д “Бизнесмен эмэгтэйчүүдийн өдөр”-ийг тэмдэглэдэг байна. -Болгари, Мали улсуудад Тусгаар тогтнолын өдөр тохиож байна. -1499 онд “Базелийн эвлэрлийн гэрээ” хийгдэж Швейцар тусгаар тогтносон улс болжээ. -1862 онд Америкийн Эрх чөлөөний тунхаг бичиг буюу боолчлолыг халах тунхаг урьдчилсан байдлаар гарчээ. -1888 онд “National Geographic” сэтгүүлийн анхны дугаар хэвлэгдэн гарсан байна. -1980 онд Иракууд Иран руу довтолж, Иран-Иракын дайн эхэлжээ. Ц.Мишээл