Монгол Улсын орчин үеийн дипломат албаны 100 жил, Монгол, Оросын хооронд дипломат харилцаа тогтоосны 90 жилийн ойд зориулсан “Монгол Улс, ОХУ-ын харилцаа: түүх ба орчин үе” сэдэвт олон улсын эрдэм шинжилгээний бага хурал 2011 оны 10 дугаар сарын 28-нд ГХЯ-нд болов.  Тус хурлын ажиллагааг нээж нээж Гадаад харилцааны сайд Г.Занданшатар, Монгол улсад суугаа Онц бөгөөд Бүрэн эрхт Элчин сайд В.В.Самойленко, Монгол Улс, ОХУ-ын найрамдлын нийгэмлэгийн тэргүүн, сансрын нисгэгч Ж. Гүррагчаа нар үг хэлэв. Монгол-Оросын харилцаа, хамтын ажиллагааны түүх, өнөөгийн байдлын тухай илтгэлүүдийг ГХЯ-ны Хөрш орнуудын газрын захирал О.Энхтөр, ШУА-ийн Олон улс судлалын хүрээлэнгийн Орос судлалын секторын эрхлэгч, доктор, проф. О.Батсайхан, ОХУ-ын Эрхүү хотын Эдийн засаг, эрх зүйн их сургуулийн проф. Ю.В.Кузьмин, ШУА-ийн түүхийн хүрээлэнгийн нарийн бичгийн дарга, доктор Н.Хишигт, ШУА-ийн Олон улс судлалын хүрээлэнгийн эрдэм шинжилгээний ахлах ажилтан, доктор А.Даваасүрэн, ОХУ-ын Монгол судлалын хүрээлэнгийн дэд ерөнхийлөгч А.С.Железняков, ШУА-ийн Олон улс судлалын хүрээлэнгийн эрдэм шинжилгээний ахлах ажилтан, доктор Л.Оюунгэрэл, ОХУ-ын Эрхүү хотын Улсын их сургуулийн проф. Е.И.Лиштованный, ОХУ-ын Читийн их сургуулийн доктор, проф. В.В.Кузнецов, ОХУ-ын Читийн их сургуулийн дэргэдэх Зүүн Хойд Азийн олон улсын асуудал судлалын төвийн захирал, доктор Г.Г.Васильев мөн БХЯ-ны БХИС-ийн хүрээлэн, техникийн шинжлэх ухааны доктор, проф. Б.Эрдэнэбат нарын зэрэг эрдэмтэд, судлаачид тавив.   Тус эрдэм шинжилгээний бага хурлыг Монгол Улсын ГХЯ, ШУА, ОУСХ хамтран зохион байгуулжээ.