Эрүүл мэндийн дэд сайд Ж.Амарсанаа өнгөрсөн бямба гаригт Нийслэлийн яаралтай тусламжийн төвийн үйл ажиллагаатай нь танилцжээ. Тэрээр тус төвийн дуудлагын эмч нартай уулзаж, цаашдын үйл ажиллагааг сайжруулах талаар тэдний санал бодлыг сонссон байна. Нийслэлийн яаралтай туслажийн төвийн эмч, ажилчид тус төвийн ажлын ачаалал их, өдөрт 500-700 хүний дуудлага ирдэг тиймээс машины тоо хүрэлцдэггүй. Тодруулбал, дуудлагад явах 34 машин байдгаас 27 нь ажилладаг зэрэг тулгарч буй хүндрэл бэрхшээлтэй дэд сайдад дуулгасан байна. Тиймээс Эрүүл мэндийн дэд сайд Ж.Амарсанаа тэдний цаашдын үйл ажиллагааг  сайжруулах, дуудлагад явах түргэний машины тоог нэмж, эмч ажилчдын ажлын байрны таатай нөхцөлийг бүрдүүлэхэд анхаарна гэдгээ хэлжээ. Д.Цэцэг