Жолоочийн хариуцлагын даатгалд хамрагдаагүй жолоочийг  ирэх аравдугаар сарын 1-ний өдрөөс хөдөлгөөнд оролцуулахгүй гэсэн мэдээлэл цацагдаад удаж буй. Хэдийгээр албаныхан даатгуулаагүй  жолооч нарыг замын хөдөлгөөнд оролцуулахгүй гэж буй  ч Замын цагдаагийн газраас  хариуцлагын даатгалд хамрагдаагүй  автамашинд хяналт тавихад хүндрэлтэй байгаа аж. Учир нь даатгалын компаниуд  даатгуулсан автомашинуудад тусгай содон тэмдэг бүхий  тэмдэгт  хэрхэн тавих вэ гэдгээ одоо хүртэл тодорхой болгоогүй учраас замын цагдаагийн ажилтнууд  даатгуулаагүй хөдөлгөөнд оролцож буй автомашинд хяналт тавих боломжгүй байгаа юм байна. Зарим эх сурвалжийн мэдээллээр даатгалын компаниуд жолооны үнэмлэхтэй иргэн бүр даатгуулна гэж ташаа мэдээлэл өгч буй аж. Харин Албан журмын даатгалын холбооны Даатгалын сангийн мэргэжилтэн С.Хишигзаяагийн өгч буй мэдээллээр “Даатгуулагч жилд нэг удаа төлбөр төлж даатгуулна. Жолооны үнэмлэхтэй иргэн бүр даатгуулах албагүй. Даатгалд хамрагдсан жолооч нарт наалт өгөх ёстой ч хөрөнгө мөнгөний асуудлаас үүдэн удааширсан. Тиймээс ирэх жилээс наалтыг жолооч нарт тараана” гэсэн мэдээллийг өгч байна .Тэгэхээр ирэх аравдугаар сараас даатгалд хамрагдаагүй автомашиныг хөдөлгөөнд оролцохыг хязгаарлах боломж тун бүрхэг байгаа аж. Н.Бүжин