Хэдийгээр олны таагүй хандлага, хэл ам тасардаггүй ч өөрийгөө моодноос гаргах дургүй хүний нэг бол Ганбууш. Тайландад хүй солиулах мэс засал хийлгэж, 60 гарсан насандаа хэн хүний зориглохооргүй алхмыг хийсэн тэрбээр нэрээ Ганцацрал болгон өөрчилсөн билээ. Улмаар чинээлэг эрийн хүүхдийг төрүүлж, үлдсэн амьдралаа элбэг хангалуун өнгөрүүлэхээр шийдсэн гэдгээ зарлаж буй түүнд хийх ажил их байгаа аж. Өөрийнхөө тухай кино бүтээж, олны анхаарлын төвд амьдрахыг хүссэн Ганбууш “Перфект” эмнэлгийн дарга Н.Оюун эмчийг “шахаанд” оруулсан аж. Тэрбээр гоо сайхандаа өөрчлөлт хийх гэж байгаагаа хэвлэлийнхэнд дуулгаж “Оюун эмч надад хөх, өгзөг, хамар үнэгүй хийж өгнө гэсэн. Би тэгээд л төгс эмэгтэй болно. Энэ хэрээрээ түүний эмнэлгийг сурталчлах учраас Оюун эмчид ч ашигтай” гэх болжээ. Үнэн хэрэгтээ, үнэ өртгөөрөө манайдаа л дээгүүрт тооцогддог тус эмнэлгийнхэн ийм санал тавиагүй гэсэн. Иймэрхүү “шахааны” аргад сайтар суралцсан хүмүүс хэвлэлээр далимдуулан өөрт ашигтай гэсэн зүйлээ бусдаар хүлээн зөвшөөрүүлэх моод газар авах нь. Р.Есүй