Саппорогийн аюулгүйн тойргоос Зүүн 4 замын уулзвар хүртэлх хэсэгт автозамын зорчих хэсгийн 1 дүгээр эгнээгээр нийтийн тээврийн автобус троллейбус явуулах шийдвэр хэрэгжиж байгаа. Энэ шийдвэрийг хэрэгжүүлэх явцад “Төв шуудан”, “Монгол улсын боловсролын их сургууль”-ийн уулзвар орчимд нийтийн тээврийн зарим чиглэлийн “зүүн” эргэх хөдөлгөөнийг бууруулж, аюулгүй байдлыг хангах зорилгоор зарим чиглэлүүдэд өөрчлөлт оруулж байна. Үүнд: - “Налайх-Вокзал”, “Ургах наран-Вокзал” чиглэлүүдийг Баруун 4 замын уулзвараар буцааж явуулах; - “Био-МУБИС” чиглэлийг “Төв номын сан”-аар эргүүлж явуулах; - “Городок-МУБИС” чиглэлийг “Ард” зогсоол хүрч явах; - “Хонхор-Вокзал” чиглэлийг Халдвартын эмнэлэг хүртэл сунгах; - Троллейбусны Тр:3 буюу “3,4-р хороолол-БММЗ“ чиглэлийг сэргээж үйлчилгээнд троллейбус явуулах; -Троллейбусны Тр:6 буюу “Офицеруудын ордон-БММЗ“ чиглэлийг Улаанхуаран хүртэл сунгаж “МУБИС” зогсоолоос “МУИС”, Сүхбаатарын гудамжаар Төв шуудангийн уулзвар хүрч явах өөрчлөлт оруулж өнөөдрөөс эхлэн мөрдүүлэх боллоо. Д.Цэцэг