“Miss Mongolia-2010” тэмцээний дэд мисс, “Мисс краса-2010” тэмцээний нэгдүгээр байрын эзэн, “Мисс байкала-2011” тэмцээний Гран при шагналт, “Манжуурын мисс -2012” гоо бүсгүйн тэмцээнд тэргүүн байр эзэлсэн Т.Батцэцэг балетаар хичээллэх болжээ. Загварын тайзнаа гунхаж, миссийн тэмцээнд амжилт гаргасан модель бүсгүй энгийн, даруу амьдрахыг эрхэмлэдэг хэмээн ярих дуртай. Миссийн титэм зүүснээс хойш чинээлэг эрчүүдийн танилцах хүсэлтэд дарагдаж, тансаг бүхнийг амласан “айхтар” саналуудаас татгалзсан гэдгээ ч нуугаагүй тэрбээр сургуулийнхаа оюутан залуутай үерхдэг гэсэн. Дарханаас гаралтай мисс бүсгүй маань хотод байх эгчийндээ амьдардаг бөгөөд сүүлийн үед балетаар хичээллэж, гоо сайхандаа анхаарах болжээ. Мөн загварын мэдлэгээ хуваалцаж, миссийн тэмцээний оролцогчдод ч хичээл заах дуртай бөгөөд цаашид гадаадад суралцахаар төлөвлөж буй гэнэ лээ. Р.Есүй