Сүүлийн үед архи хэтрүүлэн хэрэглэж амиа алдах тохиолдол цөөнгүй гарах болсон байна. Хэд, хэдэн хоногоор архи ууж, мансуурсан иргэд эцэс сүүлд нь амиа алдаж хохирох нь цөөнгүй. Тухайлбал, 12-р сарын 19-ний 03:20 цагийн орчим Баянгол дүүргийн 19 дүгээр хороо Эрүүл мэндийн 6-р төвийн эрчимт эмчилгээний тасагт эмчлэгдэж байсан хүн нас барлаа гэсэн мэдээллийг шалгахад, Чингэлтэй дүүргийн 19 дүгээр хорооны иргэн 36 настай эрэгтэй Д найз О-гийн хамт гэртээ 4 хоног дараалан архи ууж, бие нь муудан эмнэлэгт хүргэгдэн, эмчлэгдэж байгаад нас барсан болохыг тогтоосон байна. Мөн Сонгинохайрхан дүүргийн 1 дүгээр хороонд  гэртээ нас барсан хүн байна гэсэн мэдээллийг шалгахад, тус хорооны иргэн, тодорхой эрхэлсэн ажилгүй 30 настай эрэгтэй Э согтууруулах ундаа хэтрүүлэн хэрэглэж амиа алдсан болохыг тогтоожээ.