Улсын Дээд шүүхэд өнөөдөр УИХ-ын гишүүн Ц.Нямдоржийн гомдлыг  хэлэлцэж нийслэлийн Шүүхийн шийдвэрийг хүчингүй болгох шийдвэр гаргаж,  нэр төрд халдсан гэх маргааныг анхан шатны шүүхээр хэлэлцүүлэхээр болсон байна. Эрхэм гишүүн Ц.Нямдоржийг  Үйлдвэр, хөдөө аж ахуйн сайд Х.Баттулгын нэр төрд халдсан гэсэн үндэслэлээр хоёр шатны шүүхээс гэм буруутайд тооцсон юм. Тодруулбал, Хууль зүй, дотоод хэргийн сайд асан Ц.Нямдорж  Зам, тээвэр, барилга, хот байгуулалтын сайд асан, УИХ-ын гишүүн Х.Баттулгыг сайдаар ажиллаж байхдаа олон тэрбум ам.долларын өртөгтэй төмөр зам барих гэрээг нууцаар байгуулсан гэсэн мэдээллийг олон  нийтийн мэдээллийн хэрэгслээр цацсан юм. Харин Х.Баттулга гишүүн үүнийг гүтгэлэг  хэмээн нэр төрөө сэргээлгэхээр Хан-Уул дүүргийн шүүхэд гомдол гаргасан. Эл гомдлыг хоёр шатны шүүхэд хэлэлцээд Ц.Нямдоржийг Х.Баттулгын нэр төрд халдсан гэж үзсэн юм. Н.Түвшин