УИХ-ын гишүүн, УИХ дахь  МАХН-МҮАН-ын “ШУДАРГА ЁС” эвслийн бүлгийн ахлагч Н.Батцэрэг АНУ-ын Элчин сайдын яамны Улс төрийн хэлтсийн дарга ноён Брайн Куунзыг өнөөдөр хүлээн авч уулзлаа. Ноён Брайн Куунз УИХ-ын намрын ээлжит  чуулган эхэлсэнтэй холбогдуулан чуулганаар хэлэлцэх асуудлуудын талаар сонирхож,  уул уурхай, эдийн засгийн хөгжлийн талаар харилцан санал бодлоо солилцсон. Мөн үүний дараа Киркиз Улсын парламентын төлөөлөгчидтэй УИХ-ын гишүүн, УИХ дахь “Шударга ёс” эвслийн бүлгийн ахлагч Н.Батцэрэг уулзалт хийв. Киркизийн парламентын төлөөлөгчид нь манай орны парламентын үйл ажиллагаатай танилцаж, туршлага судлахаар ийнхүү айлчилж байгаа юм.