БНСУ-ын Сөүл хотноо зохион байгуулагдсан “Мiss Asia Pacific World-2012" тэмцээнд амжилттай оролцож, Гран при шагнал болон "Хамгийн шилдэг мэргэжлийн модель" номинацид тэргүүлсэн хүн бол мисс, загвар өмсөгч Ч.Туяамаа. Камерон, Энэтхэг, Пилиппин, Орос, Украйн зэрэг 30 гаруй орны бүсгүйчүүд өрсөлдсөн тус  тэмцээн нь дэлхийд алдартай оддыг төрүүлэх зорилготой бөгөөд мисс, нэвтрүүлэгч, жүжигчин, дуучин зэрэг олон төрлийн мэргэжилтэй авьяаслаг бүсгүйчүүд оролцдгоороо онцлогтой болсон юм. Тэмцээний тэргүүн байрт шалгарсан монголын загвар өмсөгч, мисс, “Catwalk” хамтлагийн дуучин Ч.Туяамаад олон компаниас хамтарч ажиллах санал тавьжээ. Тухайлбал, царайлаг бүсгүйг солонгосын уран сайхны кинонд тоглуулахаас гадна поп дууны хамтлагт хүртэл орохыг урьж. Мисс бүсгүй өөрийн гэсэн хамтлагтай учир энэ тал дээр тоймтой хариу хэлээгүй ч, дэлхийн олон орныг байлдан дагуулж буй солонгос кинонд тоглож үзэх хүсэлтэй байгаа юм билээ. Р.Есүй