Хуульч мэргэжлээсээ уйдаж орхиод урлагийн салбараа эргэн санагалзсан дуучин Ц.Мөнхсоёл хоёр дахь бие даасан цомгоо гаргах нь. Хэдэн жилийн өмнө тэрбээр “Аавдаа очмоор болох юмаа” нэртэй анхны цомгоо гарган, тоглолт хийсэн удаатай. Харин хэсэг хугацаанд нам гүмхэн амьдарч, ганц хоёр дуу бичүүлж явсан дуучин бүсгүй өнгөрсөн жил “Бөхөөжөө гэлгүй яах вэ” нэртэй тоглолт хийсэн бөгөөд тун удахгүй “Арга билиг” нэртэй хоёр дахь бүтээлээрээ бэлэг барих гэж буй аж. Дан ятгын эгшигт дуулсан арван дуутай шинэ цомгийнх нь ихэнх ажил бэлэн болсон бөгөөд Ц.Мөнхсоёл клип хийлгэхээр студи, продакшнаар эргэлдэж яваа гэсэн шүү. Р.Есүй