ОБЕГ-ын дарга асан, генерал П.Даш, Улсын нөөц бүрдүүлэлтийн газрын дарга Л.Алтангэрэл нарын өмгөөлөгч тэдний ялын тогтоолыг өчигдөр   Нийслэлийн шүүхээс авчээ. Тэдний  гомдлыг Нийслэлийн шүүхэд өнгөрсөн есдүгээр сарын 13-нд хэлэлцсэний эцэст анхан шатны шүүхийн шийтгэх тогтоолд зарим өөрчлөлт оруулсан билээ. Тодруулбал, П.Даш, Л.Алтангэрэл нарыг Эрүүгийн хуулийн  150.3, 263.2-т зааснаар гэм буруутайд тооцсон анхан шатны шүүхийн шийтгэх тогтоолыг үндэслэлтэй байна гэж үзсэн юм. Тэд өдгөө жирийн дэглэмтэй хорих ангид хоригдож байгаа юм. Харин Эрүүгийн хуулийн 263.2-т зааснаар  хэргийн хөөн хэлэлцэх хугацаа дууссан байхад тэдэнд ял шийтгэл оногдуулсан нь буруу байсан  тул шийтгэх тогтоолын 3, 4 дэх заалтаас Эрүүгийн хуулийн  263.2-оор ял шийтгэл оногдуулж Өршөөл үзүүлсэн хэсгүүдийг хүчингүй болгож,  тэднийг эрүүгийн хариуцлагаас чөлөөлсөн байна. Н.Түвшин