Олон улсын хүндэт төлөөлөгч, жуулчин гийчин хүлээн авдаг, нэг ёсондоо улсын нүүр болсон газрын нэг “Чингис хаан” олон улсын нисэх онгоцны буудалд өнөө өглөө гэмт хэрэг гарчээ. Тус газар хоёр хүн биенийгээ хүйтэн мэсээр гэмтээсэн байна. Цагдаагийнхан Нисэх онгоцны буудлын ойролцоох газруудад хөл хорио тогтоож, хэргийн газар үзлэг шалгалт хийсний дараа нисэхийн үйл ажиллагааг хэвийн болгожээ. Хэрэг өглөөний 9 цаг 20 минутын орчимд болсон бөгөөд Оюутолгой компанийн ажилтан 52 настай Э өмнө хамт ажиллаж байсан 35 настай Э-г онгоцноос буусны дараа ариун цэврийн өрөөнд орох үеэр нь 4 удаа хутгалсан байна. Энэ үйлдлийн дараа хэрэгтэн өөрийнхөө зүрхэн тус газар мөн хутгалжээ. Гэмтсэн хүмүүсийг Яаралтай түргэн тусламжийн машинаар эмнэлэг рүү авч яван одоогоор хагалгаанд оруулсан байгаа аж. Гэмт хэрэг үйлдсэн 52 настай Э нь өмнө  35 настай Э-гийн удирдлага дор ажиллаж байсан бөгөөд түүнийг ажлаас халсан гэсэн хувийн өш хонзонгоор энэ хэргийг үйлдсэн гэж цагдаагийн газраас мэдээлсэн байна. Одоогоор хэргийг шалгаж байгаа юм С.Отгон Эх сурвалж: www.zaluu.com