АНУ-ын иргэн Жон Мартин Кийнийг хөнөөсөн 24 настай Ч.Баттуулын хэрэг Нийслэлийн прокурорын газарт хянагдаж байгаа. Түүний хэрэгт нэмж тодруулах зүйл их байгаа учраас тодруулга авахаар Нийслэлийн прокурорын газраас даалгавар бичиж АНУ руу явуулсан байна. Уг даалгаврын хариу ирсэний дараа Ч.Баттуулын хэргийг харьяаллын дагуу шүүх рүү шилжүүлэхээр болжээ. Энэхүү хэргийг эргэн сануулахад, АНУ-ын иргэн Жон Мартин Кийнийг Ч.Баттуул хэмээх 24 настай эмэгтэй шунахайн сэдлээр зургаан удаа буудан хөнөөсөн билээ. Ч.Баттуул нь америкийн иргэнийг бизнес хийе хэмээн Монголд авчирсан бөгөөд 10 мянган ам.долларыг нь авах зорилгоор өнгөрсөн нэгдүгээр сарын 6-нд түүнийг хөнөөгөөд цогцсыг нь нуусан байсныг хоёр сарын дараа хууль хяналтынхан илрүүлсэн юм. Д.Цэцэг