• 2012-10-11

“Цэвэр агаар” сан биш “Цэвэр агаар” төсөл

img

Нийслэлийн прокурорын газар 300 гаруй хэрэгт хяналт тавьж буйгийн дотор Улаанбаатар хотын агаарын бохирдлыг бууруулахад чиглэсэн төслийн хүрээнд зарим албан тушаалтан мөнгө завшсан хэрэг багтжээ. Мянганы сорилтын сангаас дээрх төсөлд зориулан 47,5 сая ам. доллар зарцуулжээ. Зарим дүүргийн гэр хорооллын амьдралын төвшин доогуур, ядуу өрхүүдэд гэрийн дулаалга, дээвэр, туурга өгөх нэрийдлээр “Сэлбэ дулаан” ХХК банкаар дамжуулан төслийн мөнгөнөөс их хэмжээгээр луйвардсан явдал илэрсэн ажээ. Тухайлбал, Баянзүрх дүүргийн Засаг дарга Б.Батзоригтой холбогдох 66 сая төгрөгийн хэргийг Нийслэлийн прокурорын газрын орлогч С.Сагсай хэвлэл мэдээллийнхэнд “Цэвэр агаар” сангийн нэрээр ярилцлагадаа дурдсан нь нийтэд нэр томъёоны хувьд ташаа ойлголт төрүүлж буйг Байгаль орчин, ногоон хөгжлийн яамнаас тайлбарласан юм. Нийслэлийн агаарын бохирдлыг бууруулахад чиглэсэн гэрийн дулаалга олгох ажил нь Мянганы сорилтын сангаас Монголд хэрэгжүүлж байгаа “Цэвэр агаар”  төслийн нэгээхэн хэсэг юм байна. Харин “Цэвэр агаар” сан гэдэг нь Засгийн газрын тусгай сангийн байгууллага ажээ. Хоёулаа Улаанбаатарын утааг багасгахад чиглэсэн үйл ажиллагаа явуулдаг ч хоёр өөр байгууллагын харъяанд ажилладаг байна. Д.Дүүриймаа

СЭТГЭГДЭЛ БИЧИХ

zuv sain bichsen bna
2012-10-11
zocin 3:
Би нийслэлийн Баянзүрх дүүргийн 21р хорооний оршин суугч л даа. Тодруулж хэлбэл дарь-эхэд амьдардаг. Агаарын бохирдлоос болоод уушигны өвчин маань улам сэдэрч байна. Надад Улаанбаатарын агаарын бохирдлыг бууруулахад тус болохоор нэг санал байгаа юм. 7 хоногийн дотор л Улаанбаатарын агаарын бохирдлыг 50 хувиар бууруулж болно. Гэр хорооллоос бусад хэсэг болох орон сууц, барилгууд руу цахилгаан станцаас явуулах халаалтыг 30хувь багасгавал агаарын бохирдол 50 хувь буурах болно. Ингэхийн бол цахилгаан станцад шатааж буй нүүрсний хэмжээ 40 хувь буурах болохоор Улаанбаатарын агаарын бохирдол 50 хувь буурна гэж байгаа юм. Одоогоор гэр хорооллоос бусад буюу орон сууц, их дэлгүүр энэ тэр барилгуудын өрөөний дулаан нь 25 хэм байхаар дулаан явуулж байна. Зуны халуунд байгаа юм шиг л дан путболкатай байсан ч бараг халууцахаар байгаа юм. Дулаанд зарцуулж буй халуун усыг 30 хувь бууруулсан ч өрөөний дулаан 20 хэмтэй байх болно. Путболкан дээрээ ганц дан нимгэхэн цамц өмсөөд л суухад даарахааргүй дулаахан байх болно шүүдээ. Харин үүний оронд гэр хорооллын зуухыг бүгдийг нь солиуллаа ч агаарын бохирдлыг 10 хувь ч бууруулж чадахгүй. Энэ нь та нар улаанбаатарыг өөрсдийн гэртээ хамгийн ойролцоох уулан дээрээс харсан ч шууд ойлгогдохоор зүйл юм. Гэр хорооллын зуухнаас гарч буй утаа нь газраас 10 орчим метрийн өндөрт бөөгнөрч түүний дээгүүр цахилгаан станцын утаа 100 м-ийн өндөрт бөөгнөрөн харагдана. Улаанбаатарын салхины урсгалаас үзвэл утаа нь хотын хойд хэсэгт бөөгнөрдөг. Үүний талаар манай мэдээллийн хэрэгслүүд сайн мэдэхгүй байх шиг байна. Тийм болоод л огт дурсдаггүй бололтой. Өнөөдөр сонин хотын агаарын бохирдлын талаар бичихдээ ядуу буурай эмзэг давхаргын гэр хорооллынхныг бууруутгаж, агаарын бохирдлыг бууруулах нь ганц тэдний хариуцлага юм шигээр бичихээ болимоор байна. Өнөөдөр сонин болон бусад мэдээллийн хэрэгслүүд ийм маягаар яриад байвал та нар эгэл ядуусын нүдэнд яг л чөтгөр шулмасын гар хөл шиг л харагдах болно. Ус дамжуулах хоолой байхгүйн эрхэнд өдөр бүр гүний ус зөөж, хашаандаа жорлон ухасныг нь гүний ус багасгаж, хөрс ус бохирдууллаа гэх. Байрныхантай адил халаалт дулаан байхгүйн эрхэнд нүүрс түлэхээр нь агаар бохирдууллаа гэх. Орон сууцанд бол хогийг нь цуглуулахаар ойр ойрхон ирэх мөртлөө гэр хороололд болохоор улиралд бараг ганц удаа ч ирдэггүй хэрнээ хог ихтэй бохир заваан гэх. Бохир заваан, болж бүтэхгүй бүхэн бүгд гэр хорооллын хариуцах зүйл биш. Улаанбаатар хотын захиргаа болон төрд хариуцлагыг үүрүүлэхгүй болохоор ийм асуудал үүсч гэр хорооллын бид асуудлын золиос хохирогчид болоод байна.
2012-10-11
zuv sain bichsen bna