Чуулганы нэгдсэн хуралдааны үдээс өмнөх хуралдаан цаг сунган хуралдаж байна. Хэлэлцүүлгийн явцад Монгол Улсын 2013 оны төсвийн  анхны хэлэлцүүлгийг хэлэлцэж эхэлсэн. Хууль санаачлагчийн илтгэлийг Монгол Улсын Ерөнхий сайд Н.Алтанхуяг танилцуулсан юм. Тодруулбал,и рэх жилийн төсвийн орлого долоо орчим их наяд төгрөгөөр төлөвлөгдсөн аж. Төсвийн урсгал зардал 4,8 их наяд орчим төгрөг.

Үүнээс улсынх нь гурав орчим их наяд, хүний хөгжлийн зардал 280-аад тэрбум төгрөг байх юм байна Инфляциас хамаарсан тохируулгыг Эрүүл мэнд, боловсрол зэрэг салбарт хийнэ. Болзошгүй хямралаас урьдчилж сэргийлэх хэрэгтэй гэлээ. Барилгуудад нэгдсэн стандарт, зураг төсөл мөрдөхөөр болжээ.

Өнгөрсөн хугацаанд Хүний хөгжил сангаас мөнгө  тарааснаас болж 924 тэрбум төгрөгийн өртэй үлджээ. Энэ сангаас цаашдаа зөвхөн хүүхдийн мөнгө олгоно. 240 орчим тэрбум төгрөгийг үүнд зарах юм байна. “Тавантолгой”-гоос нүүрсээ гаргаагүй байхад урьдчилж мөнгө аваад хүний хөгжлийн мөнгөнд зарчихсан. “Эрдэнэт”-ээс мөнгө зээлсэн. Хүний хөгжлийн санд 621 тэрбум төгрөгийн орлого орно. Хүүхдийн мөнгөө өгөөд үлдсэнийг өрөө төлнө гэв.

Инфляц одоо 13-14 хувьтай байгаа. Үүнийг ирэх жилд найман хувьд барихаар болжээ. Түүнчлэн Төсвийн төлөвлөлтийн аргачлалыг өөрчилье гэсэн саналыг Ерөнхий сайд хэлэв. Ирэх жилээс төсвийг дөрөв, дөрвөн жилээр төлөвлөдөг болно гэлээ.

Шинэ төмөр зам болон Аймгийн төвүүдээ тохижуулах зэрэг бүтээн байгуулалтын талаар хэллээ. Төсвийн танилцуулгын дараа УИХ-ын гишүүн Д.Оюунхорол  хууль санаачлагчаас хэд хэдэн асуултыг асуусан боловч төд удалгүй Ерөнхий сайд эрхэм гишүүн хоёрын дундах маргаан болж хувирсан юм. Гишүүдийн асуулт үргэлжилж байна.

Н.Түвшин