МАН-аас УИХ-д сонгогдсон гишүүдийн төлөөлөл Н.Энхболд, С.Бямбацогт, Д.Оюунхорол нар   өнөөдөр Төрийн  ордны ”Б” танхимд сэтгүүлчдэд мэдээлэл хийв. Тэдний өгч   буй мэдээллээр тус намын зүгээс шинэчлэл өөрчлөлтийг дэмжиж байгаагаа илэрхийлээд “Өөрчлөлт шинэчлэлт хийх гэж байхад хууль ямар хамаагүй гэсэн яриа газар авч байна. Бид аливаа шинэчлэл өөрчлөлтийг дэмжинэ.  Гэхдээ хуулийн дагуу хийх нь зүйтэй.  Бид төсөв дээр ч үүнийгээ хэлсэн. Гурван суманд 30- гаруй тэрбумыг зарцуулна гэсэн заалт  байгаа нь шударга бус гэж үзсэн байна. Түүнчлэн УИХ-ын гишүүн С.Бямбацогт “2013 оны төсвийн төсөл иргэд рүү бус дарга нарт чиглэсэн төсөв болсон байна. Өөрөөр хэлбэл цалин тэтгэвэрийг нэмэхгүйгээр өөрсдийнхөө хэрэгцээг нэн тэргүүнд бодож байна” гэж шүүмжлэлтэй хандсан юм. Мөн УИХ-ын гишүүн Д.Оюунхорол “Төсвийн орлого 70 тэрбумаар тасарсан.  Татварын болон түрээсийн орлого буурч байна.  Бид татвар төлөгчдийн мөнгийг хэрхэн зарцуулж байгааг нягтлах болно. ХАА, газар тариаланд үзүүлдэг байсан  хөнгөлөлтийг байхгүй болгосон.  Аймгийн хөрөнгө оруулалтыг ялгавартай байдлаар хийсэн. Энэ мэтээр төсөв хяналтгүй, шударга бус байдлаар  хандаж буйд анхаарал хандуулна” гэв.   Тиймээс төсөвтэй холбоотой асуудлаар   УИХ дахв МАН-ын гишүүд ажлын хэсэг байгуулсан бөгөөд  орлого нэмэгдүүлэх ямар боломж байна, зардлуудыг хэрхэн бууруулах уу вэ зэрэг  тооцоог гаргаж, улмаар  саналаа 2013 оны төвсийн төсөлд оруулахаар төлөвлөөд байгаа гэнэ. Н.Бүжин