“Улаанбаатар хотын ногоон байгууламжийг сайжруулах асуудал” сэдэвт иргэний хэлэлцүүлэг өнөөдөр 10.00 цагаас эхэлнэ. Нийслэлийн “Иргэний танхим”-д болох энэхүү хэлэлцүүлгийг НИТХ, Нийслэлийн Засаг дарга, Улаанбаатар хотын захирагчийн ажлын албаны санаачлагаар зохион байгуулж байгаа юм. Хэлэлцүүлэгт  нийслэлийн Үйлдвэрлэл, экологи хариуцсан орлогч дарга Д.Пүрэвдаваа, ерөнхий менежер Ч.Бат, НЗДТГ-ын хот нийтийн аж ахуйн хэлтсийн мэргэжилтэн Д.Батсүх, Хот тохижилтын газрын дарга Д.Энхсайхан нар оролцоно. Энэхүү хэлэлцүүлэгт иргэд оролцож нийслэлийн ногоон байгууламж, цэцэрлэгжүүлэлтэд  тулгамдсан асуудлаар байр сууриа илэрхийлэх боломжтой юм. Д.Цэцэг