Арабын Нэгдсэн Эмирт Улсын замын цагдаагийн газар содон дугааруудыг худалдахаар шийдэж, энэ талаар их амжилт олжээ. Сүүлийн таван жилд ийм онцгой дугаараар 136 сая ам. доллар олсон байна. Энэ жил  тусгай дуудлага худалдаагаар “1” гэсэн цорын ганц тоотой  дугаарыг хамгийн их буюу 14 сая ам. доллараар худалджээ. Энэ дугаарыг 25 настай тэрбумтан Саид Абдул Гаффар Хоери авсан байна. Энэ дугаарын гарааны үнэ нь ердөө 27 мянган ам.доллар байсан нь сонин бөгөөд тиймээс дуудлага худалдаанд оролцогчид энэ хосгүй дугаарын төлөө амь тэмцэн үзэлцсэн нь тодорхой  байна. Энэ дугаарыг авсан азтай эр  үүнд 30 сая ам. доллар гаргахад ч бэлэн байснаа хүлээн зөвшөөрчээ. Дашрамд дурдахад тус улсад машины дугаарыг  насан туршдаа  хэрэглэхээр авдаг байна. Эзэн нь ийм дугаарыг өвлөн үлдээж ч болдог аж. С.Золбоо