Нийгэмд Оюутолгойн гэрээний асуудлыг тойрсон асуудлууд тулгамдсан сэдэв болоод байна. Энэ сэдвээр манай уншигчдын асуултад хариулахаар хүрэлцэн ирсэн УИХ-ын гишүүдэд баярлалаа. Ингээд уншигчдаас ирсэн асуултыг хүргэе. Та бүхэн Оюутолгой төслийн талбайд очиж үзсэн үү гэсэн асуулт ирсэн байна? -Г.Уянга: Үзээгүй. Тэнд Эрдэнэт шиг бүтээн байгуулалт өрнөөгүй. Юуг нь үзэх юм билээ. Ойлгомжтой шүү дээ. Хэдэн сендвичин хавтан л байгаа. Х.Болорчулуун: Үзээгүй. Бид гэрээний асуудлыг ярилцаж байгаа учраас тэнд биш энд л тэмцэх хэрэгтэй байна. -Гэрээнд өөрчлөлт оруулах саналыг та бүхэн нийтдээ 27 гишүүн гаргаад байгаа. Хэдэн төрлийн шаардлага тавьсан бэ? Х.Уянга: Монголчууд бид ядаж л Оюутолгойнхоо хөрөнгө оруулалтыг нь хянадаг баймаар байна. Анх  хоёр тэрбум ам.доллар байсан хөрөнгө оруулалт , одоо 10 тэрбум гараад явчихсан. Сүүлийн үед бидний тавьсан асуудалд хариу болгож сөрөг пи ар цацаж байна. Сая харав уу. Ард түмний тархийг угаах гэсэн сурталчилгаагаа саяхан сольчихсон байгаа. Х.Болорчулуун: Монголын тал 34 хувийг эзэмшиж байгаа гэдэг. 30 жилээр гэрээ хийсэн нь анхнаасаа буруу болсон юм. С.Ганбаатар: Энгийн асуудлууд байна. 90 хувь нь монголчууд байна гээд байгаа. Зэсээ гаргаад үйлдвэрлэл явуулахаар наймдугаар сард гээд байгаа, тэр нь сунаад 2013 оны эхээр гарах нь гэнэ. Энэ үед тэр 90 хувь нь байх монголчуудыг бэлдсэн юмуу. Тэднийг бэлтгэх хөрөнгө оруулалт хийсэн юмуу. Ядаж л 90 хувь нь хэдэн хүн юм. Өнөөдөр хүртэл энэ бүхнийг Монгол Улсын Засгийн газар асуухгүй байна шдээ. Тэд олох доллараа центээр нь тооцож мэддэг хэр нь иймэрхүү илт асуудлаа тодорхой болгохгүй байна. Ажилчдын цалингийн асуудал байна. 3 сар юмуу, 3 хоног юмуу, 30 жил юмуу энэ мэтийг тодорхой болгох хэрэгтэй. Энэ бүхнийг манай Засгийн газар а бэ-гүй ярьж тодорхой болгох хэрэгтэй. Ийм утгагүй зүйлүүдээ одоо зогсоохгүй бол, монголчууд минь бид шоудаад байгаа юм биш. Улстөржөөд байгаа юм биш, бид эх орныхоо баялгийг ард түмэндээ ашигтайгаар ашиглах ёстой. Бид чинь сэтгэлээсээ ярьж байна.