Монгол Улсын Гадаад харилцааны сайд Л.Болд өнөөдрөөс эхлэн Бүгд Найрамдах Австри Улс, Холбооны Бүгд Найрамдах Герман Улс, Швейцарийн Холбооны Улсад тус тус ажлын айлчлал хийх гэж байна. Сайд Л.Болд айлчлалынхаа үеэр Бүгд Найрамдах Австри Улсын Дэд канцлер бөгөөд Европ болон олон улсын асуудал эрхэлсэн сайд М.Шпинделеггер, Холбооны Бүгд Найрамдах Герман Улсын Холбооны Гадаад хэргийн сайд Г.Вэстервэлле, Швейцарийн Холбооны Улсын Гадаад хэргийн сайд Д.Буркхалтер нартай хоёр талын уулзалт хийж, харилцаа, хамтын ажиллагааны асуудлаар санал солилцох юм. Түүнчлэн сайд Л.Болд айлчлалынхаа хүрээнд Вена болон Женев хотод төвтэй олон улсын зарим байгууллагын удирдлагатай уулзах юм байна. Д.Цэцэг