Сонирхогчдын сүмо бөхийн дэлхийн аварга шалгаруулах тэмцээн өчигдөр Хонконгод монголчуудын гайхамшигт амжилтын дор өндөрлөлөө. Монголын сүмо бөхийн холбооны ерөнхий нарийн бичгийн дарга Ө.Төгөлдөр, шигшээ багийн дасгалжуулагч Ц.Шийрэв, Ц.Мягмарсүрэн нарын ахалсан манай багаас энэ удаа дэлхийн дөрвөн аварга мэндэлж, мөнгө, хүрэл хүрэл медалийг мөн тус бүр дөрвийг хүртсэн байна. Ийнхүү Монголын сүмочид түүхэндээ хамгийн дээд амжилтаа үзүүлсэн бөгөөд эрэгтэйчүүдийн үнэмлэхүй жинд Г.Наранбат (мэргэжлийн сүмод Маэноюү нэртэй барилдаж явсан) дэлхийн хошой аварга цолд хүрлээ. Медаль хүртсэн сүмочид Насанд хүрэгчид АЛТ: Эрэгтэй 85 кг-Р.Гантөгс, үнэмлэхүй-Г.Наранбат МӨНГӨ: Эмэгтэй -80 кг-О.Мөнхцэцэг, +80 кг-Х.Сүнжидмаа ХҮРЭЛ: Эрэгтэй +115 кг-У.Бямбажав, Эрэгтэй баг Өсвөр үе АЛТ: Хөвгүүд -100 кг-Б.Серик, +100 кг-Д.Аззаяа МӨНГӨ: Хөвгүүд -80 кг-Ц.Анхбаяр, үнэмлэхүй-Н.Төрболд ХҮРЭЛ: Хөвгүүдийн баг, охидын +75 кг-Н.Сэлэнгэ М.Бүүвэй