Улсын Дээд шүүхээс Монгол Улсад шүүх байгуулагдсаны 101 жилийн ой, Улсын Дээд шүүх байгуулагдсаны 85 жилийн ойг тохиолдуулан “Шүүхийн спортын их наадам”-ыг 2012 оны 10 дугаар сарын 24-27-ны өдрүүдэд амжилттай зохион байгууллаа. Буянт-Ухаа дахь спорт цогцолборт болсон уг тэмцээнд нийслэл, дүүргүүд, орон нутгийн шүүхүүдийн нийт 17 баг тамирчид сагсан болон гар бөмбөг, ширээний теннис, боулинг, хийн буудлага, билльярд, дартс, шатар, даам, олс таталт зэрэг нийт 10 төрлөөр хурд, хүч, авхаалж самбаагаа сорин өрсөлдсөнөөс Нийслэлийн шүүх тэргүүлж, алтан медаль, цом, өргөмжлөлийн эзэн болжээ. Тэмцээний хоёрдугаар байрт Нийслэлийн захиргааны хэргийн шүүх, гуравдугаар байрт Сүхбаатар дүүргийн шүүхийн баг тамирчид  тус тус шалгарсан байна. Харин Улсын Дээд шүүхийн баг тамирчид боулинг, гар бөмбөгийн эрэгтэйчүүдийн төрөлд тус тус алтан медаль, сагсан бөмбөгийн эрэгтэйчүүдийн төрөлд хүрэл медаль,  ганцаарчилсан тэмцээнд ширээний теннисний эрэгтэйчүүдийн төрөлд Улсын Дээд шүүхийн шүүгчийн туслах Т.Жавхлантөгс алтан медаль, хийн буудлагын төрөлд Улсын Дээд шүүхийн Ерөнхий шүүгч Ц.Зориг мөнгөн медаль  тус тус хүртэж, багийн дүнгээр тавдугаар байр эзэлжээ. Шүүхийн шүүгч, ажилтнуудын хөдөлгөөний идэвхийг сайжруулах, биеийн тамир спортоор хичээллэх идэвхийг өрнүүлэх, бие бялдар оюун санааг хөгжүүлэх, эрүүл мэнд, ажлын эрч хүч, багаар ажиллах, хамт олонч сэтгэхүйг хөгжүүлэх, нөхөрсөг байдлыг бүрдүүлэхэд дэмжлэг үзүүлэх зорилготой уг тэмцээн зорилгоо амжилттай биелүүлсэн гэж тэмцээнийг зохион байгуулагчид болон оролцогчид дүгнэсэн байна. Мөн тэмцээний үеэр Улсын Дээд шүүхийн шүүгч Т.Уранцэцэг, Захиргааны хэргийн давж заалдах шатны шүүхийн шүүгч Т.Энхмаа, Сэлэнгэ аймаг дахь сум дундын шүүхийн шүүгч С.Нолхоосүрэн, нарыг “Спортын алдар” тэмдгээр шагнасныг гардуулжээ.

Шүүхийн спортын их наадмын шагналт байрууд  

1. Боулинг Нэг дүгээр байр: Улсын Дээд шүүхийн баг Хоёрдугаар байр: Нийслэлийн шүүхийн баг Гуравдугаар байр: Орхон аймгийн шүүхийн баг 2. Хийн буудлага Нэг дүгээр байр: Төв аймгийн Ерөнхий шүүгч Д.Мягмаржав Хоёрдугаар байр: Улсын Дээд шүүхийн Ерөнхий шүүгч Ц.Зориг Гуравдугаар байр: Нийслэлийн шүүхийн Эрүүгийн танхимын тэргүүн Б.Батцэрэн 3. Биллъярд / эм / Нэг дүгээр байр:Төв аймгийн шүүхийн шүүгч Ө.Уянга Хоёрдугаар байр: Сүхбаатар дүүргийн шүүхийн шүүгч С.Базарханд Гуравдугаар байр: Нийслэлийн захиргааны хэргийн шүүхийн шүүгч Ц.Сайхантуяа 4. Биллъярд /  эр  / Нэг дүгээр байр: Сонгинохайрхан дүүргийн шүүхийн шүүгч Б.Батболор Хоёрдугаар байр: Захиргааны хэргийн давж заалдах шатны шүүхийн шүүгч М.Батсуурь Гуравдугаар байр: Нийслэлийн захиргааны хэргийн шүүхийн шүүгч Д.Баатархүү 5. Гар бөмбөг /  эм / Нэг дүгээр байр:Говьсүмбэр аймгийн шүүхийн баг Хоёрдугаар байр: Төв аймгийн шүүхийн баг Гуравдугаар байр: Нийслэлийн захиргааны хэргийн шүүхийн баг 6. Гар бөмбөг /  эр  / Нэг дүгээр байр:Улсын Дээд шүүхийн баг Хоёрдугаар байр: Нийслэлийн шүүхийн баг Гуравдугаар байр: Сүхбаатар дүүргийн шүүхийн баг 7. Дартс Нэг дүгээр байр:Сүхбаатар дүүргийн шүүхийн шүүгч М.Алдар Хоёрдугаар байр: Дархан-Уул аймгийн шүүхийн шүүгч Б.Манлайбаатар Гуравдугаар байр: Төв аймгийн шүүхийн шүүгч Ю.Энхмаа 8. Шатар Нэг дүгээр байр:Нийслэлийн шүүх тамгын хэлтсийн мэргэжилтэн Ш.Мааний Хоёрдугаар байр: Баянзүрх дүүргийн шүүхийн шүүгч Д.Чулуунхүү Гуравдугаар байр: Хан-уул дүүргийн шүүхийн шүүгчийн туслах А.Батдорж 9. Даам Нэг дүгээр байр:Нийслэлийн шүүхийн шүүгч Ш.Бат-эрдэнэ Хоёрдугаар байр: Баянзүрх дүүргийн шүүхийн Ерөнхий шүүгч Б.Баатар Гуравдугаар байр: Сэлэнгэ аймгийн шүүхийн шүүгч Г.Сарантуяа 10. Ширээний теннис /  эм / Нэг дүгээр байр:Сэлэнгэ аймгийн шүүхийн шүүгч С.Нолхоосүрэн Хоёрдугаар байр: Хан-уул дүүргийн шүүхийн шүүгч Ж.Эрдэнэчимэг Гуравдугаар байр: Нийслэлийн шүүхийн ажилтан Г.Дагваасүрэн 11. Ширээний теннис / эр  / Нэг дүгээр байр:Улсын Дээд шүүхийн шүүгчийн туслах Т.Жавхлантөгс Хоёрдугаар байр: Нийслэлийн захиргааны хэргийн шүүхийн шүүгчийн туслах Л.Батбаатар Гуравдугаар байр: Дархан-уул аймгийн шүүхийн нарийн бичгийн дарга Б.Чинбаатар 12. Олс таталт Нэг дүгээр байр:Сонгинохайрхан дүүргийн шүүхийн баг Хоёрдугаар байр: Хэнтий аймгийн шүүхийн баг Гуравдугаар байр: Төв аймгийн шүүхийн баг 13.  Сагсан бөмбөг / эм / Нэг дүгээр байр:Захиргааны хэргийн давж заалдах шатны шүүхийн баг Хоёрдугаар байр: Хэнтий аймгийн шүүхийн баг Гуравдугаар байр: Нийслэлийн захиргааны хэргийн шүүхийн баг 14. Сагсан бөмбөг /  эр  / Нэг дүгээр байр:Нийслэлийн захиргааны хэргийн шүүхийн баг Хоёрдугаар байр: Сүхбаатар дүүргийн шүүхийн баг Гуравдугаар байр: Улсын Дээд шүүхийн баг