Боловсрол, шинжлэх ухааны сайд Л.Гантөмөр их дээд сургууль, коллеж, ерөнхий боловсролын сургууль, цэцэрлэгт суралцагч элсүүлэхэд хандив, хууль тогтоомжид зааснаас бусад төлбөр, хураамж авахыг хориглосон  тушаал гаргажээ. Мөн байгууллагын төсөв, санхүүгийн үйл ажиллагааг цахим хуудас болон мэдээллийн самбарт байрлуулах зэргээр суралцагч, багш, ажилтан, иргэдэд нээлттэй ил тод байлгах зохион байгуулалтын арга хэмжээ авахыг их дээд, ерөнхий боловсролын сургуулийн захирал, цэцэрлэгийн эрхлэгч нарт даалгасан байна. Улмаар энэ тушаалын хэрэгжилтийг зохион байгуулж, үр дүнг нь ирэх арванхоёрдугаар сарын 05-ны дотор танилцуулахыг Бодлогын хэрэгжилтийг зохицуулах газарт  үүрэг болгожээ. Д.Цэцэг