"МИАТ” ХК-ийн  төлөөлөн удирдах зөвлөл хуралдаж гүйцэтгэх захирал Ц.Орхонг ажлаас нь чөлөөлж түүний оронд  Монгол Улсын гавьяат нисгэгч Г.Жаргалсайханыг томилжээ.

Г.Жаргалсайхан нь “МИАТ” ХК-ийн Нислэг, үйлдвэрлэл эрхэлсэн дэд захирлаар 1975 оноос хойш өнөөг хүртэл  хүчин зүтгэж байгаа туршлагатай нисэгчдийн нэг аж. Харин экс дарга Ц.Орхон  нь Япон  руу таван сая доллар зувчуулсан хэрэгт татагдан өнгөрөгч жилийн турш  УМБГ шалгуулж байгаад сураг алдарсан.

Тодруулбал,  түүнийг  Японы "BEST WEALTH AVIATION INSURANCE" групп гэсэн сүржин нэртэй ч бараг үйл ажиллагаа явуулдаггүй  жижиг  компани руу их хэмжээний мөнгө шилжүүлж МИАТ-ийн халаасыг суйлсан нь данс тооцоогоор илэрсэн  гэсэн мэдээлэл нэг хэсэг чих дэлссэн юм.

Н.Түвшин