Оскарын шагналт, Холливудын алдарт жүжигчин Жулиан Моор дэлхийн нэртэй гоо сайхны компани болох Францын L'Oreal брэндийн шинэ нүүр царайгаар тодорчээ. Тэрээр ирэх оноос эхлэн уг брэндийн сурталчилгаанд тоглож эхлэх юм. Он гармагц хамгийн түрүүнд  “Cellular Renaissance”-ийн сурталчилгааны зураг авалтад орохоор зэхэж байна. Хэдийгээр аль хэдийнэ 51 нас хүрсэн ч гэсэн үзэсгэлэн төгөлдөр, сайхан биетэй хэмээгддэг улаан үст бүсгүй үзэгчдээс өндөр үнэлгээ авсан хэвээр байна. Түүний арьс төрөлхийн булбарай зөөлөн гэнэ. Тэрээр өмнө нь  L'Oreal-ийн бүтээгдэхүүнийг хэрэглэдэг байжээ. Жүжигчин бүсгүй арьс арчилгааныхаа талаар “Би олон бүтээгдэхүүн хольж хэрэглэдэггүй, өдөр  тутмын арчилгаандаа их анхаардаг”  гэж хариулжээ. Жулиан Моороос өмнө  тус брэндийн нүүр царайг Женнифэр Лопез, Беонсе,  Эва Лонгориа, Ли Майкл зэрэг алдартнууд тодорхойлдог байсан юм. Э.Мөнхнасан