Монгол туургатны үндэсний бөхийн анхдугаар наадам Улаанбаатар хотноо зохион байгуулагдаж түрүү бөхөөр цэргийн хурц арслан (одоогийн улсын заан) Чи­мэдрэгзэнгийн Санжаадамба тодорч хорин сая төгрөг гар­даж байсан юм. Улсын арслан До.Ганхуяг энэ наадамд үзүүрлэж шөвгийн дөрөвт улсын арс­лан Д.Азжаргал, улсын начин Ш.Уламбаяр нар үлдэж байлаа. Хоёрдугаар наа­дам Өвөрмонголд болж 128 бөх хүчээ сориход үзүүр түрүүнд Ч.Сан­жаа­дамба, Улсын арслан Г.Эрхэмбаяр нар үл­дэж Ч.Санжаадамба тү­рүүлс­нээр Монгол туургатны үндэсний бөхийн наадамд хоёр дахь удаагаа түрүүлсэн түүхтэй. Харин гуравдугаар наадам буюу 2010 онд ОХУ-ын Буриад улсад болсон наад­маас эхлэн Монгол туургатны үндэсний бөхийн их наадмыг жингийн ангилалтай болгож дүрмийн өөрчлөлт хийсэн билээ. Бага жинд Тувагийн бөх Сэлдыс Монгуш түрүүлж манай бөх Х.Мөнх­баяр үзүүрлэсэн бол их жинд Ч.Санжаадамба гурав дахь удаагаа түрүүлж Д.Рагчаа үзүүрлэсэн. Дөрөвдүгээр наадам буюу өнгөрсөн оны наймдугаар сард ОХУ-ын Тува улсын Кызыл хотноо зохион байгуу­лагдсан наадамд -85 кг-ын жинд Буриадын Андре Монгуш түрүүлж, мөн Буриадын Сайын-Белек Тюлюш үзүүрлэсэн. Харин +85 кг-ын жинд улсын харцага А.Бямбажав анх удаагаа түрүүлж Ч.Баянмөнх үзүүрлэж байсан түүхтэй. Н.Өрнө