АСЕМ буюу “Ази-Европ”-ын дээд хэмжээний уулзалт  өнөөдөр Лаосын нийслэлд нээгдэж байна. Энэ уулзалтад Монгол Улсын Ерөнхийлөгч Цахиагийн Элбэгдорж оролцож байгаа юм. Үүнтэй холбогдуулан энэ уулзалтын тухай товч мэдээллийг танилцуулж байна: АСЕМ (ASEM – Asia-Europe Meeting) гэдэг нь “Ази-Европ”-ын уулзалт гэсэн үг бөгөөд Зүүн Ази болон Европын орнуудыг нэгтгэдэг олон улсын байгууллага юм. АСЕМ-д 48 орон багтдаг бөгөөд эдгээрт дэлхийн худалдааны  3/2 болон  дэлхийн нийт бүтээгдэхүүний 60 орчим хувь ногдож байгаа юм. АСЕМ-ийн гишүүн орнуудд (цэнхэр өнгөөр тэмдэглэв) болон 2010 онд нэгдсэн орнууд (ногоон өнгөөр тэмдэглэв). “Ази-Европ”-ын анхны уулзалтыг Франц, Сингапур улсын санаачлагаар 1996 онд хийсэн юм. 2012 оны наймдугаар сарын байдлаар дараахи улсууд АСЕМ-ийн гишүүн байна:  

• Австрал
• Бангладеш
• Бруней
• Вьетнам
• Энэтхэг
• Индонез
• Камбож
• Хятад
• Лаос
• Малайз
• Монгол
• Мьянма
• Шинэ Зеланд
• Норвег
• Пакистан
• Орос
• Сингапур
• Таиланд
• Филиппин
• Швейцар
• Өмнөд Солонгос
• Япон
• Европын холбооны гишүүн орнууд

АСЕМ-ийн ахлах албан тушаалтнуудын уулзалт 2012 оны есдүгээр сард Лаосын Вьентьян хотод болсон юм. Уулзалт болж байсан цаг тооны товчоон:

• 1996 ASEM 1, Бангкок, Таиланд
• 1998 ASEM 2, Лондон, Их Британи
• 2000 ASEM 3, Сөүл, Өмнөд Солонгос
• 2002 ASEM 4, Копенгаген, Дани
• 2004 ASEM 5, Ханой, Вьетнам
• 2006 ASEM 6, Хельсинки, Финланд. Энэ уулзалт дээр Энэтхэг,  Монгол, Пакистан улс  дараа дараачийн  уулзалтад оролцох урилга хүлээн авсан юм.
• 2008 ASEM 7, Бээжин, Хятад
• 2010 ASEM 8, Брюссель, Бельги

Ээлжит дээд хэмжээний уулзалт 2012 оны арваннэгдүгээр сарын 5-6-нд Лаосын нийслэл Вьентьян хотод болж байна. Ж.Соёл