Төрийн байгуулалтын байнгын хорооны хуралдаанаар сая  УИХ-ын  гишүүн У.Хүрэлсүхийн  гишүүнээс чөлөөлөгдөх  тухай өргөдлийг хэлэлцэв. Эл  хуралдаанд УИХ-ын гишүүн  У.Хүрэлсүх оролцсонгүй. Учир нь  тэрбээр   эхнэрээ эмчлүүлэхээр БНСУ-ыг  зорьсон байна. Уг асуудлыг хэлэлцэх үеэр   асуулт асуух болон санал хэлэх гишүүн байсангүй. Санал хураалтаар байнгын хороодоор гишүүдийн олонх нь дэмжиж асуудлыг  УИХ-ын нэгдсэн  чуулганаар хэлэлцэхээр боллоо.