Хэнтий аймгийн Батноров сумын Идэрмэг багийн “Айрагийн жалга” гэдэг газар өвөлжиж байгаа иргэн С-ийн гадна энэ сарын 03-ны орой үнэг ирж нохойд нь бариулжээ. Үхсэн үнэгэнд хийсэн мал эмнэлгийн лабораторийн шинжилгээний хариугаар галзуу өвчний шинж тэмдэг илэрсэн тул хязгаарлалтын дэглэм тогтоосон байна. Одоогийн байдлаар 4000 м2 талбайд ариутгал халдваргүйтгэл хийсэн байна. Голомт бүхий нутагт байгаа 3835 толгой малд 3800 тун вакцин шаардлагатай байгаа тул ХХААЖДҮГ-т захиалжээ. Түүнчлэн Орхон аймгийн Жаргалант сумын “Дулаан уул” багийн нутагт малчин О-гийн хотонд Төв аймгийн Өндөрширээт сумын 2 дугаар багийн “Барчгайн хоолой” гэдэг газар малчин Г-гийн хотонд “Үхрийн хорт салст халуурал өвчин” гарсан тул тогтоосон хорио цээрийн дэглэм хэвийн үргэлжилж байна. Д.Цэцэг