Чуулганы нэгдсэн хуралдаан эхэллээ. Хуралдааны эхэнд гишүүн У.Хүрэлсүх өнгөрсөн долоо хоногт ар гэрийн гачигдлаар УИХ-ын гишүүнээс түдгэлзэх хүсэлтэй байгаагаа УИХ-ын даргад уламжилсан байгаа. Үүний дагуу мягмар гаригт Төрийн байгуулалтын байнгын хороо хуралдаж, гишүүнээс чөлөөлөхийг дэмжсэнээр чуулганы хуралдаанд оруулж ирж байгаа юм. Энэ асуудлын танилцуулгыг УИХ-ын дэд дарга С.Баярцогт танилцуулсан. Улмаар санал, асуултад орсон юм. УИХ-ын Гончигдорж: УИХ-ын гишүүний бүрэн эрхийг нь түдгэлзүүлэх шаардлаггүй. Гэр бүлийнхээ хүнийг асрах гэж байхад нь заавал чөлөөлөх шаарлага байгаа юм уу. Харин УИХ-ын бүрэн эрхтэй гишүүн байгаад гэр бүлдээ анхаарал хандуулахад нь байнгын хороо ямар байр суурьтай байна. Төрийн байгуулалтын байнгын хорооны санал, дүгнэлтийг УИХ-ын гишүүн А.Бакей. УИХ-ын гишүүн Н.Батцэрэг: УИХ-ын даргад биечлэн тайлбарласан. Яг юу гэж тайлбарласан юм бол. Урьд нь гишүүд бас саналаа хэлэхэд нь татгалзаж байсан тохиолдол байдаг юм байна лээ. УИХын дарга З.Энхболд: Өргөдлөө  бичсэн зүйлээ л ярьсан. Хүний өвчний тухай дэлгэрэнгүй хэлэх зохимжгүй байх гэж бодож байна. УИХ-ын гишүүн Н.Гончигдорж: Гачигдлыг бид ойлгож байна. Үүнд их хурлын зүгээс туслах хэрэгтэй. Жагсаалтаар сонгогдсон гишүүн болохоор дахин сонгууль болохгүй гээд санаа амар байх шиг байна. Ийм жишиг тогтвол яана. Тойргоор сонгогдсон бол өөр хэрэг. Надад чөлөөлөгдөнө гэсний хэрээр нь чөлөөлөх буруу гэж бодож байна. Энэ бол гишүүний бүрэн эрхээсээ заавал татгалзах шалтгаан биш гэж бодож байна. УИХ-ын гишүүн Ц.Оюунгэрэл: У.Хүрэлсүх гишүүн эхнэрийнхээ төлөө ийнхүү зүтгэж байгаа нь сэтгэл хөдөлгөж байна. Хүнд хэцүү үед нь хамт олон нь туслах хэрэгтэй. Чөлөө өгч гэр орондоо анхаарал хандуулахад нь туслах хэрэгтэй. УИХ-ын гишүүн Д.Лүндээжанцан: Эхнэр маань хүнд байна. Энэ үед нь анхаарахгүй бол болохгүй байна. Тэртэй тэргүй жагсаалтаар хүн гарч ирэх юм чинь гэж байсан. Сэтгэл зүйн үнэхээр хэцүү байсан. Нэгэнт өргөдлөө өгсөн байхад аваад үлдэх нь харин ч тус болохоосоо ус болно. УИХ-ын гишүүн Ц. Нямдорж:МАН-ын удирдах зөвлөлийн хурал болж өргөдлийн дагуу шийдэх хэрэгтэй гэж үзсэн. Гишүүнээс нь чөлөөлөхөөс татгалзана гэдэг бол туслаж байаа хэрэг биш. Янаглан хорлож байгаа хэрэг. АН-ын гишүүдийн ярьж байгааг сонслоо. Жудаг сайтайгаараа АН аваад үлдлээ гэж хэлүүлэх гэсэн бодол агуулаад байна. УИХ-ын гишүүн С.Эрдэнэ:  Нэгдүгээрт аливаа гишүүнийг  янз бүрийн шалтгаанаар ажлаас нь чөлөөлж байсан түүх бий. Өнөөдөр монгол төрийн тогтвортой байх. Иргэд сонгогчдын сонголт хүчин төгөлдөр байх гээд олон зүйл яригдана. Энэ асуудалд УИХ-ын гишүүд болгоомжтой хандах хэрэгтэй. Дуртай үедээ жагсаалтаар орж ирсэн гишүүдээ солиод байх хэр зохимжтой юм бэ. Ийнүү санал хураалтыг нууцын зэрэгт оруулснаар санал хурааллаа. 58,3 хувийг саналаар санал хураалт дэмжигдлээ. УИХ-ын тогтоол д санал хурааснаас гишүүдийн  71.4 нь зөвшөөрснөөр  УИХ-ын гишүүн У.Хүрэлсүхийг гишүүний бүрэн эрхээс нь чөлөөллөө. Д.Цэцэг