УИХ-ын чуулганы хуралдаанаар дөнгөж сая нийтээр тэмдэглэх баярын болон тэмдэглэлт өдрүүдийн тухай хуульд нэмэлт, өөрчлөлт оруулах тухай хуулийн төслийн эцсийн хэлэлцүүлгийг хэлэлцэж дууслаа. Тодруулбал, Эзэн Чингисийн хааны мэндэлсэн өдөр буюу Монгол бахархлын өдрийг билгийн тооллоор өвлийн тэргүүн сарын шинийн нэгэнд тэмдэглэж байх, энэ өдрийг бүх нийтээрээ тэмдэглэх баяр болгож бүх нийтээрээ амарч байхаар тогтож санал хураасан юм. Улмаар хуралдаанд  оролцогч гишүүдийн 90,9 хувийн саналаар энэ төсөл дэмжигдлээ.Үргэлжлүүлэн "Төрөөс мөнгөний бодлогын талаар 2013 онд баримтлах үндсэн чиглэл батлах тухай" Улсын Их Хурлын тогтоолын төслийг хэлэлцэх бөгөөд  Эдийн засгийн байнгын хорооны танилцуулгыг Улсын Их Хурлын гишүүн Б.Гарамгайбаатар танилцуулснаар чуулган түр завсарлалаа. Д.Цэцэг