Холливудын алдартай шаргал үстнүүдийн нэг жүжигчин Камерон Диас 40 насны босгыг аль хэдийнэ давсан ч сайхан бүсгүйчүүдийн дунд рейтинг өндөртэй явдаг. Одоогоос 20 жилийн өмнө ч түүний нарийхан бэлхүүс,  гуалиг бие энэ л хэвээрээ байсан. Энэ бүхнийг тэрээр өөрийнхөө баримталдаг зөв хооллолттой холбон тайлбарладаг. Тэрээр хүнсэндээ ихэвчлэн эрүүл мэндэд сайн гэгддэг хүнсний бүтээгдэхүүн хэрэглэдэг, ялангуяа илчлэг багатай зүйл хэрэглэхийг эрмэлздэг гэнэ. Эдгээрт жимстэй тараг, шинэ ногоо, газрын самар зэргийг түлхүү хэрэглэдэг юм байна. Гэтэл түүний нэгэн нууц саяхан задарсан бөгөөд ELLE ярилцлагын шоунд оролцох үеэрээ хооллох зуршлынхаа талаар  яриа дэлгэжээ. Тэрээр “Бид хэрэгцээт хүнс хэрэглэх нь сайн нөлөөтэй ч хүний дуртай зүйл гэж хэцүүхэн юм байдаг. Би гахайн шарсан хуйханд үнэхээр их  дуртай” гэж хэлжээ. Мөн  “Хийхэд хэцүү ч  гэсэн жаахан давсархаг,  жижиг жижиг хэрчсэн шаржигнуулж шарвал хэзээ ч салахын аргагүй болдог. Гэхдээ эрүүл мэнд болоод гоо сайхнаа бодох үүднээс байнга идэж чаддаггүй ” гэж идэх дуртай хоолныхоо талаар нуулгүй ярьжээ. Э.Мөнхнасан