“Монгол поп опера” стилийг санаачлан дэлгэрүүлж буй “Анир” студийн дэргэдэх “Увертюра” хамтлагийнхан энэ оны 10 дугаар сарын дөрөвний өдөр анхны “Удиртгал” цомгийн баяраа Ард кино театрт нүсэр тэмдэглэн өнгөрүүлсэн билээ. Хамтран ажилладаг байгууллага, найз нөхөд, хэвлэл мэдээллийнхэнд өөрсдийнхөө уран бүтээлийг танилцуулсан тус цомгийг ашгийн төлөө гаргаагүй ч цомогт багтсан дуунууд нь монгол омгорхлыг төрүүлж, эх орноо гэсэн чин зүрхтэй хүмүүсийн нэгэнт сонсох дуртай уран бүтээл болсон учир цомгийг үзэгч, сонсогчдын хүсэлтээр худалдаанд гаргахаар болжээ. “Удиртгал” цомог өчигдрөөс эхлэн Hi-Fi, Orange, UBS зэрэг цомгийн худалдааны дэлгүүрүүдээр борлогдож эхэлжээ. Дашрамд сонирхуулахад, “Увертюра” хамтлагийнхан 11 дүгээр сарын 14-нд болох Чингисийн төрсөн өдөрт зориулсан Төрийн их ёслолын арга хэмжээг “Хамаг монгол” дуугаар нээх аж. Харин үүний дараа Япон улсыг зорьж уран бүтээлээ толилуулахаар завгүй ажиллаж байгаа юм байна. Эх сурвалж www.wikimon.mn