Улсын Дуурь Бүжгийн Эрдмийн театрт энэ амралтын өдөр "Чойжид дагина" тоглогдоно. Энэхүү балетийн хөгжмийг Э.Чойдог, удирдаач УГЗ Н.Туулайхүү, балетмейстер хореографоор АЖ Б.Жамьяндагва, зураач СТА Г.Ганбаатар нар ажиллаж байгаа аж. Энэхүү жүжиг нь  хоёр бүлэг, гурван үзэгдэлтэй бөгөөд 36 настай Чойжид хэмээх эмэгтэйн тухай өгүүлдэг аж. Өвчиндөө шаналсан бүсгүй  бурханаас аврал гуйхад түүний бие гэнэт сайжирч, баясан бүжиглэж байснаа дахин муудаж насан эцэслэдэг. Хар хувцаст Эрлэг Номун хааны элч, цагаан хувцаст бурхны элч нар сүнсийг авч одохоор булаалдан, сүүлд нь  хүн төрөлхтний дунд буцаан явуулдаг байна. Эх сурвалж: times.mn