БНСУ-д хөдөлмөрийн гэрээгээр ажиллаж байгаад хугацаандаа нутаг буцан ирсэн, дахин гэрээгээр ажиллах хүсэлтэй  иргэдийг бүртгэлд хамруулан, солонгос хэлний түвшин тогтоох шалгалтыг компьютерт суурилсан тестийн аргаар авах болжээ. Зөвхөн энэхүү шалгалтанд тэнцсэн иргэн л тус улсын гадаадын иргэний хөдөлмөр эрхлэх зөвшөөрөл хүсэхээр бүртгүүлж болно.   Бүртгэлийг Хөдөлмөрийн төв бирж дээр энэ сарын 19-20–ны өдрүүдэд  зохион байгуулж, шалгалтыг энэ сарын 29-нд авах юм байна. Бүртгүүлэгч нь БНСУ-д ажиллах байгаад оршин суух хугацаандаа багтаж, 2010 оны нэгдүгээр сарын 01-нээс хойш сайн дураараа нутаг буцаж ирсэн байх ёстой гэнэ. Насны хувьд 18-39 настай, Солонгосоос албадан гараагүй буюу албадан гаргах арга хэмжээ авахуулж байгаагүй, Монгол улсаас гарах эрхээ хязгаарлуулаагүй иргэд бүртгэлд хамрагдах боломжтой юм байна. П.Наран