Энэ сарын 18-ны өглөө Гадаадын иргэн, харьяатын асуудал эрхлэх газрын Тэргүүн дэд дарга Б.Цолмонгийн биед халдсан хэрэг гарчээ. Хэрэг гардаг өглөө буюу өнгөрөгч ням гаригийн 06 цаг 40 минутын үед түүнийг жолоочийн хамт гэрийнх нь  ойролцоо  улсын дугаартай хар өнгийн “Ланд круейзер 100” маркийн автомашин замыг нь хааж, дотроос нь гурван залуу бууж ирэн биед нь халдсан байна. Тус хэргийг цагдаагийн байгууллага шалгаж эхлээд байна. Б.Цолмон нь гурван сарын өмнө ГИХАЭГ-ын Тэргүүн дэд даргаар томилогдсон билээ. Тэрээр энэ хугацаанд манай улсад оршин суух хаяг, уригч байгууллага нь тодорхойгүй хууль бусаар хөдөлмөр эрхлэх зорилготой ирсэн гадаадын иргэдийг албадан гаргах ажлыг эрчимжүүлж байгаа нь эдгээр иргэнийг ажиллуулах сонирхолтой хэсэг бүлэг хүмүүсийн дургүйцлийг хүргэсэн байх магадлалтай. Мөн Шинэчлэлийн Засгийн газрын бүхий л салбарт хэрэгжүүлж буй  шинэчлэлийг эсэргүүцсэн зарим нэг хүмүүсийн явуулга байж болзошгүй гэж үзэж байгаа аж. Л.Заяа