Барилга хот байгуулалтын дэд сайд Г.Байгалмаагаар ахлуулсан төлөөлөгчид ОХУ-ын Эрхүү мужид энэ сарын 12-16 ны өдрүүдэд ажлын айлчлал хийлээ. Айлчлалын хүрээнд Монголын төлөөлөгчид Эрхүү мужийн Барилга, замын аж ахуйн яам, Эрхүүгийн Техникийн Их Сургууль, Эрхүүгийн Зураг Төсөл Хайгуулын Институт, Барилга Угсралтын Байгууллагуудын Нэгдэл, Орон сууц, барилга хяналтын алба, Барилгын Үнэ Бүрдлийн Төв, Норматив-Техникийн Баримт Бичгийн Төв зэрэг тус салбарын хөгжилд зайлшгүй оролцоотой ажилладаг байгууллагуудын үйл ажиллагаатай танилцсан юм. Энэ үеэр Эрхүүгийн Барилга, зам аж ахуйн яамны сайд ЛИТВИН.М.В-тай уулзаж Монгол Улсын барилгын салбарт тулгамдаж байгаа асуудлаар санал солилцсон юм. Уулзалтын хүрээнд цаашид Эрхүүгийн Барилга, замын Аж Ахуйн Яам болоод Монгол Улсын БХБЯ-дууд хооронд хамтран ажиллах протокол болоод ОХУ-ын Эрхүү мужийн Техникийн Их Сургуульд барилгын салбарын инженер техникийн ажилтан, ажилчдыг сургах талаар хамтын ажиллагааны протоколуудыг тус тус үзэглэсэн юм. Н.Өрнө