Хятадын барилгын  компани дэлхийд хамгийн өндөр тэнгэр баганадсан байшинг ердөө хэдхэн долоо хоногт барьж чадна хэмээн нотолж байна. “Broad Sustainable Building” корпорацийн төлөөлөгчид “Construcion Week” сэтгүүлд өгсөн ярилцлагадаа,  Чанша хотод 220 давхар “Sky City”  байшинг 90 өдөрт барихаар төлөвлөж байгааг мэдэгджээ. Компанийн төлөөлөгчдийн хэлснээс үзвэл,  838 давхар байшинг  хамгийн их хурдтай буюу  урьдчилан эвлүүлсэн секцүүдийг ашигласан онцгой технологийн ачаар өдөрт тав таван давхараар нь  барих ажээ. Өндөр байшинг энэ оны сүүлчээр барьж эхлэх төлөвтэй байгаа ч,  одоогоор компани хятадын эрх баригчдаас зөвшөөрөл авах ажлыг хөөцөлдөх хэрэгтэй болж байна. Байшинд 31 000 хүн суух сууцны  өрөөнүүд, түүнчилэн сургууль, эмнэлэг, офисууд байрлуулахаар төлөвлөж байгаа ажээ. Одоо дэлхийд хамгийн өндөр байшин болж байгаа Дубайн 828 метр өндөр “Burj Khalifa”  байшинг барьсан инженерүүд  дээрх цамхаг байшингийн зураг төслийг зохиожээ. “Broad Sustainable Building” компани  мөн тийм модулийн технологи хэрэглэн ердөө 15 өдөрт 30 давхар байшин барьж чадсанаар 2011 оны сүүлчээр дэлхийд нэрд гарсан юм. С.Золбоо